BE.711 
SONGON URSA NA BINURU

Ayat 1
Songon ursa na binuru mauasdi aek tabar I,
Songon I do au mangido naeng donok tu Tuhanki.
Holan Ho Debatangki do hu hauashon I,
Ai andigan idaonku bohiMi ale Tuhanku.

Ayat 2
Ilu-ilu ni matangku do hupangan sai tongtong,
Ala sai didok musungku tung di dia Debatam ?
Jala mauas rohangki mingot parmasuhanki
Ro di girgir ni endengku tu joro ni Tuhanku.

Ayat 3
Tungkimi ale tondingku tung beasa rusak ho,
Sai haposi ma Tuhanmu ndang tadingkononNa ho,
Pujiongku do muse Tuhan Debata do pe,
Hatuaon ni bohingku na tongtong naeng haposanku.

Ayat 4
Sai manungkap do rohangku di na mangandungi au;
Jordan do habuanganku dohot Hermon na sai dao,
Songon aek sampuran I tinggang tu tondolan ni,
Songon I do martinggangan tu au angka pangunjunan.

Ayat 5
Diparbaga Debatangku asi ni rohaNa I,
Di au, jadi las rohangku, molo sai huingot I,
Borngin nang arian pe huendehon do sude,
Denggan basa ni Jahowa, na manolong naposoNa.

Ayat 6
O Partanobatoanku, ndang be ingotonmu au?
Ai lam ganda do arsakku, dimusuhi musu au,
Ai holiholingku pe naung magopu do sude,
Ala sai didok musungku: tung di dia Debatamu?

Ayat 7
Tungkimi, ale tondingku! Tung beasa rusak ho?
Sai haposi ma Tuhanmu, ndang tadingkononNa ho
Pujionku do muse Tuhan Debata dope,
Hatuaon ni bohingku na tongtong naeng haposanku.
